مخاوف المجهول

هو الى رايح التحرير بكرا،
عميل اجندة ولا ايه !!؟

انا سامع حاجات مش ولا بد،
ياريت يكون فيه توضيح للكلام دا،
من الشباب الى بتشارك او مش بتشارك،
لكل واحد منا وجة نظر ممكن نتناقش فيها،

ونعرف هو احنا اصحبنا فعلاً مصرين ومش مصرين،
لو تفتكروا يوم 2011/1/1 في الشهر كان في مشكله اسمها مسلمين ومسحين
2011/2/1 اصبحنا مصري وطني , ومصر موالى للنظام , ومصري عميل علشان خالف وجة نظر الاخر،

ياريت نتناقش مع بعض ونتقبل وجة نظر الاخر باحترام وحب
-------------------------------------
وانا هابتدي بالكلام بما انى طرحت الموضوع مع انه مش عادتي ابتدي بالحديث
------------------
اولاً يوم 25 الاعلام المصري لم ياتي بصورة عن احداث المظاهره الى خرجت في كل مصر
وجاب شوارع القاهره فاضية ومفيش حاجة وفي شوية المتظاهرين من يقودها جماعة الاخوان
واصدر السيد حبيب العادلي بيان يهددهم بيه وخرج بعض المسؤلين بتصاريح مثل "مصر ليست تونس"

وبعدها بكام يوم الوضع خرج على السيطره فوجئ الجميع بسحب القوات الامنية من اغلب محافظات مصر في توقيت واحد ,
والذي استغربته مفيش فرق توقيت من محافظة و لاخري كل القوات انهارت

والاغرب من كدا خروج جميع المساجين في وقت واحد
وبعدها بساعة التلفيزيون المصري يصدر بيانات
البيان الاول للحاكم العسكري بحذر التجول
البيان الثاني من الجيش بالعمل بقرار حذر التجول
البيان الثالث على المصرين يحموا بيوتهم من البلطجية

وسيل من التيلفونات فجاءه الحقونا ياجيش نحن بنتعرض لعمليات سرقة وارهاب الحقونا
لمدة يومين على هذا الحال

ولازالت الثورة مستمره ولم ينقسم المصرين في مطالبهم
فوجنا بالاعلام المصري يحذر الشباب بشدة من خطر مقترب
وهو بعض الاحزاب سوف يسرقون منهم انجازهم ويجب يحافظوا عليه اوي

وكررها بشدة .

ثم خرج خطاب سيادة الرئيس الثاني والذي طمئن قلوب المصرين كلهم
وانا كنت سعيد بهذا الخطاب لانه اول خطوة في بداية اصلاح حقيقي
حتى اغلب الشباب في ميدان التحرير ارتاحوا وبدئوا بالتفكير والعودة الى منازلهم

لكن جميعنا فوجئ بحركة جديدة وناس تخرج لاول مره مؤيدة لمبارك
وذهبوا الى ميدان التحرير في عمليه ترهيب وتخويف المتظاهرين
ودارت المعارك لمدة يومين واستخدم في المؤيدين لمبارك الهجانة بالخيول والجمال

وبدء الاعلام المصري في هذا الوقت يركز على شئين فقط وهما الاول مؤيدين مبارك
والثاني انه يوجد عملاء في وسط المتظاهرين وانهم بيتلقوا امولاً خارجية وان بعض منهم تدرب في الموساد
واصبحت الاتهامات تنهال عليهم من كل جانب

حتى مساء يوم الخميس فوجئنا بشئ جديد وهو الخوف من المستقبل ماذا لو ترك مبارك الحكم الان

الثورة هاتقع وهاتقع معها مصر ,, ومن هو الرئيس المقبل
ولازالت المخاوف مستمرة

هالخص ما قلته في بعض السطور منقوله من احدي الصفحات
--------------------------
خاف من الشرطة والتعذيب. ولما ماخفناش قالوا خاف من المساجين اللي طلعناهم من السجون.
ولما ماخوفناش قالوا خاف من بلطجية الحزب الوطني اللي بيأيدوا مبارك وحيقلبوها عنف وفوضى.
ولما ما خوفناش قالوا خاف من اللي جاي ومن المجهول. مش مهم تخاف من إيه. المهم تخاف.
خوفك هو اللي حيخلينا نتحكم فيك ونفرض عليك طوارئ وحيخليك تسلمنا حقوقك... وأكل عيشك.
اللحظة اللي مش حتخاف فيها هي اللحظة اللي حتقدر تهدى وتفكر وتقرر وتحكم نفسك بنفسك. خاف

فارس مصر
5/2/2011